бөгеттерді аршу жасағы

(Отряд разграждения)

бөгеулер мен қиратуларда өтпелер жасау, жергілікті жерлерді миналардан, жарылмаған снарядтардан, авиациялық бомбалардан, фугастардан және басқа да жарылғыш заттардан тазарту үшін құрылатын арнайы әскери құрылым. Б.а.ж-ның құрамы өтуге қажет бөгеулер мен қиратулардың сипаты мен түріне, жергілікті жердің жарылғыш заттармен толу дәрежесіне және басқа жағдайларға байланысты. Б.а.ж-ның негізін, әдетте, бөгеулерді барлау мен оларды қирату (минасыздандыру) құралдары бар инженерлік әскер бөлімшелері құрайды. Б.а.ж. Ұлы Отан соғысы кезіндегі шабуылдық операцияларда неміс-фашис-тік әскерлер құрған бөгеттерді алу мен қирату қажеттігінен пайда болды. Олар соғыстан кейінгі жылдары әскери іс-әрекеттер жасалған жергілікті жер аудандарын минасыздандыру және жарылғыш заттардан тазарту үшін кеңінен қолданылды. Б.а.ж. миллиондаған миналарды, снарядтар мен жарылмаған авиациялық бомбаларды тауып, жойды.